Sulmuesi Donis Avdijaj mund t’i kthehet Hartbergut të Austrisë. Kështu kanë raportuar mediumet austriake të dielën, ndërsa nuk është mohuar edhe nga sulmuesi Avdijaj.
“Ende nuk ka asgjë. Por, mund të ketë huazim për shkak të hapësirës”, ka thënë Avdijaj për KOHËN.
Avdijaj 26-vjeçar nuk ishte i përfshirë në ekipin e Zuerichut ndaj Luzernit të shtunën. Te Zuerichu u transferua në verën e vitit të kaluar nga Hartbergu pas kërkesës së trajnerit Franco Fodas.
Foda u shkarkua nga Zuerichu, ndërsa edhe Avdijaj nuk ka të ardhme në klubin zviceran. Sezonin aktual në Superligën e Zvicrës, Avdijaj ka luajtur shtatë ndeshje, por nuk ka shënuar asnjë gol.
Me Zuerichun ka kontratë deri në vitin 2025.