Federata e Futbollit të Kosovës, sot ka hedhur shortin për çerekfinalet e Kupës së Kosovës.
Fituesi i edicionit të kaluar, Llapi do përballet me Malishevën në “Zahir Pajaziti” me 15 mars nga ora 13:00.
Rreth kësaj përballje për IndeksOnline ka folur trajneri i Llapit, Tahir Batatina. Ai shortin e cilësoj si të vështirë për skuadrën llapjane pasi që Malisheva ka ekip të mirë. Batatina beson tek ardhjet e reja dhe tek tifozët pasi që të jetë nikoqir i Malishevës në këtë ndeshje, duke besuar në potencialin e madh të skuadrës së tij.
‘’Nuk është short i lehte, Malisheva ka një skuadër të mirë, një skuadër solide, por ne duhet ta bëjmë maksimumin. Besoj që e kemi një skuadër të mirë, një skuadër e cila ka tregu performancë të mirë në sezonin pranverorë.
Tash pas prurjeve të reja që kemi bë, do të mundohemi të japim gjithçka nga vetja, luajmë në ‘Zahir Pajazit’’ si vendas, besoj që gjithçka do të shkoj mirë, por short i lehtë nuk është pasi që është rival me ne, është në Super ligë. Besoj që me potencialin e lojtarëve, skuadrën që e kemi do t’ia arrijmë të jemi në gjysëm finale’’, tha ai.
I pyetur se a beson se do ta fitojë edhe sivjet Kupën e Kosovës, Trajneri i Llapit tha se këtë herë kanë mbetur skuadra shumë të forta dhe që janë të renditura lartë në tabelën e superligës, ku cilësoj së ndër këto skuadra të forta edhe Llapi është favorit për të ngritur lartë kupën.
‘’Janë skuadra shumë të forta, kanë mbet skuadra të forta si Ballkani, Prishtina, Gjilani, jemi katër skuadra që në elitën e futbollit kosovar janë të renditura lartë, përveç Dritës që është eliminuar ne të katërta jemi favorite, por nganjëherë favoriti nuk fiton, por të katërtat i kemi mundësit tona’’, tha Batatina.
Më tutje, ai beson në kontingjentin e lojtarëve të tij dhe nëse fati do të jetë në anën e tyre ata do të ecin tutje.
‘’Ne do ta japim maksimumin pasi kontingjentin e lojtarëve e kemi të mjaftueshëm, nëse pak do të kemi fat besoj që kemi organizim të mirë për me ec ma tutje’’, tha trajneri Batatina për IndeksOnline.
Shorti që u hodh sot do të përballë Prishtinën dhe Ballkanin.
Përballje pritet edhe në duelin Trepça’89-Gjilani.
Ndërsa skuadra e Vushtrrisë do të ndeshet me skuadrën e Ligës së Dytë, Beharin.
Llapi është dy herë radhazi fitues i Superligës së Kosovës në futboll.