Qendra Klinike Universitare e Kosovës (QKUK), njoftoi se kreu i Federatës së Futbollit së Kosovës, Agim Ademi, do të vazhdojë të trajtohet në Klinikën e Kirurgjisë Torakale.
Zëdhënësi i QKUK-së, Shpend Fazliu, i tha KOHËS se kjo është vendosur pas konsultimit të kirurgut torakal, për shkak të gjendjes shëndetësore.
“Zyra për Informim ju konfirmon se pas konsultimit të kirurgut torakal është vendosur që për shkak të gjendjes shëndetësore dhe trajtimit të mëtejmë duhet të shtrihet në Klinikën e Kirurgjisë Torakale, pra po vazhdon trajtimi në këtë klinikë”, njoftoi ai.
Ademit i ishte caktuar masa e ndalimit prej 48 orëve. Ai po dyshohet nga Prokuroria se ka kryer veprat penale “keqpërdorimi i besimit” dhe “shmangie nga tatimi”. Është raportuar se lidhet me institucionin që ai drejton.