Kampioni në fuqi i Kosovës në futboll, Ballkani po vazhdon me formën impresive në Antalia të Turqisë ku po përgatitet për stinorin pranveror të Superligës së Kosovës.
Ballkani ka shënuar edhe fitoren e tretë rresht në po aq ndeshje të luajtura në Antalia, duke mos llogaritur triumfin ndaj Llapit në Superkupën e Kosovës vikendin e shkuar.
Të martën, Ballkani e mposhti thellë ekipin nga Ukraina, Oleksandriya me rezultatin 5:2. Albion Rrahmani, Nazmi Gripshi, Lorenc Trashi, Meriton Korenica e Albin Berisha shënuan golat për fitoren e Ballkanit.
Para kësaj miqësoreje, Ballkani kishte mposhtur edhe Beroen e Bullgarisë dhe Kaysarin e Kazakistanit. Të dyja këto ndeshje, Ballkani i ka fituar me rezultatin 1:0.