Kampionit të Kosovës, Ballkanit i është refuzuar ankesa dhe i mbetet në fuqi dënimi prej 21 mijë e 250 eurosh nga shtëpia e futbollit evropian, UEFA.
Vendimi për ta dënuar Ballkanin është marrë më 7 dhjetor për ndeshjen që Ballkani e zhvilloi në Prishtinë ndaj Sllavia Pragës më 27 tetor, në kuadër të grupeve të Ligës së Konferencës.
Ballkani me 12.750 euro u dënua për hedhje të gjësendeve në fushë, 4 mijë euro për ndezje të fishekzjarrëve dhe 4.500 për sjellje të pahijshme të ekipit.
Ballkani e pati humbur ndeshjen me rezultatin 1:0.