Trepça ’89 sot shënoi një humbje surprizë me rezultat 1-0 kundër Feronikelit në “Rexhep Rexhepi”. Trajneri Shpëtim Idrizi s’e tha asnjë fjalë të vetme pas fundit të ndeshjes.
Gazetari i “Art Sport” Naim Selmani me keqardhje njoftoi në fund të takimit se Shpëtim Idrizi nuk ka dashur të prononcohet, pas humbjes që Trepça ’89 pësoi në Drenas kundër Feronikelit me rezultat 1-0, përcjell Futbollikosovar.net.
“Xehëtarët” gjithmonë i kanë qëndruar në mbështetje Idrizit. Nuk dihet nëse ky eliminim i hershëm nga Kupa e Kosovës do të ndikojë në raportin mes drejtuesve të klubit dhe trajnerit mitrovicas.
Nuk duhet harruar se kontributi i Idrizit për Trepçën ’89 ka qenë i jashtëzakonshëm me vite të tëra, qoftë si ish-lojtar apo tani si trajner.