Mesfushorit të Trepçës ’89, Samir Sahiti, i ka kushtuar festa e bërë pas shënimit të golit të fitores ndaj Llapit, fundjavën e kaluar. Sahiti doli në tribuna për të festuar dhe për këtë u ndëshkua me karton të kuq. Të martën u dënuar nga Komisioni Disiplinor me dy ndeshje moslojë.
“Pas shënimit të golit në minutat shtesë, ngjitet në tribunat VIP duke festuar në mënyrë të tepruar dhe provokon, fyen me gjeste josportive ndaj bankinës mysafire, për çka u ndëshkua direkt me karton të kuq”, thuhet në vendim.
Ndihmës-trajneri i 89-shit, Blerim Berisha, është dënuar me dy ndeshje mosushtrim të detyrës pasi duke festuar kishte goditur një shishe në drejtim të fushës.
Trepça ’89 e mposhti 2:1 Llapin dhe është jashtë zonës për rënie nga liga.