Drejtori i Prishtinës, Artan Osmani në emisionin “Ekipi A” komentoi në lidhje me pretendimet e mediave franceze se Llapi ka trukuar 4 ndeshje në Superligën e Kosovës.
Vazhdon të jetë temë e madhe e debatit sportiv vendor çështja e raportimeve nga Franca në lidhje me pretendimet se janë trukuar disa ndeshje nga skuadra e Llapit, shkruan Futbollikosovar.net.
Në emisionin sportiv “Ekipi A” në ATV, drejtori i Prishtinës, Artan Osmani foli rreth zhurmës së madhe që po jehon në vend pas raportimeve nga mediat franceze.
“Është fatkeqësi realisht si për Llapin dhe të gjitha klubet. Shumica e klubeve janë në presion të madh financiar. Dua të them diçka, shpresoj që të mos merret keq. Nganjëherë presioni i madh financiar nganjëherë të shtin me bo gjëra që janë krejtësisht jashtë sportit dhe që ta rrezikojnë edhe lirinë”, tha ai.