Skuadra e Dritës ka shënuar fitore në javën e 27-të të Superligës së Kosovës, pasi mposhti lehtësisht Drenicën me rezultatin 3 me 0.
Në pjesën e parë skuadra mysafire mbeti me një lojtar më pak pasi me të kuq u ndëshkua lojtari, Agim Zeka, shkruan Lajmi.net
Kjo u bë më e lehtë për ‘Intelektualët’ edhe pse tre golat e fitores u shënuan në pjesën e dytë të takimit.
Fillimisht shënoi Leonat Vitija me kokë, pas harkimit të Almir Ajzeraj nga korneri, pastaj Blendi Baftiu pas asistit të Kastriot Selmanit dhe golin e fundit në këtë takim e shënoi Muharrem Jashari – që ishte një nga golat më të bukur të këtij sezoni në Superligë.