Skuadra e Lirisë sot ka fituar derbin e Ligës së Parë ndaj Feronikelit, duke fituar me rezultat 3-0.
Liridon Fetahaj, Astrit Berisha e Qemail Elshani, shënuan golat e fitores për skuadrën prizrenase, shkruan IndeksOnline.
Autori i golit të pare, Liridon Fetahaj në një intervistë për IndeksOnline, tha se ndihet i lumtur me golin e shënuar dhe fitoren e Lirisë, duke bërë të qartë se klubi do të luftoj deri në fund që të shpallet Kampione e Ligës së Parë.
‘’Jam shumë i lumtur që kam shënuar sot dhe të kontribuoj në fitoren e Lirisë pasi tashmë jemi vetëm një pikë larg vendit të parë.
Ne do luftojmë deri në fund por nuk do të jetë e lehtë, pasi që është edhe Phoenix dhe Istogu, skudrat që do të luftojmë së bashku me Feronikelin, por ne do të japim maksimumin deri në fund të këtyre xhirove, deklaroi Fetahaj.
Ai beson dhe shpreson që Liria nga sezoni i ardhshëm të garoj në Superligën e Kosovës.
Ne besojmë shumë pasi kemi kaluar në situata shumë të vështira gjate këtij kampionati, shpresoj që të hyjmë në Superligë, ky është edhe objektivi ynë për këtë sezon.’’, shtoi Fetahaj.