Komisioni i Garave i Federatës së Futbollit të Kosovës ka iniciuar procedurë disiplinore ndaj Gjilanit dhe drejtorit sportiv Sevdail Robellit, për ndeshjen kundër Llapit, në kuadër të javës së 26-të kampionale në Superligën e Kosovës.
Ndaj Gjilanit është hapur procedurë disiplinore për lëshim në organizim të ndeshjes, ndërkaq ndaj Robellit për ofendim ndaj gjyqtarit kryesor, Genc Nuza, shkruan lajmi.net.
Sipas njoftimit, pas përfundimit të ndeshjes disa persona të paautorizuar hynë në fushën e lojës, ofendojnë rëndë dhe tentojnë ta sulmojnë gjyqtarin kryesor të ndeshjes.
Po ashtu edhe në parkingun e stadiumit, derisa gjyqtarët kanë shkuar të vetura, prap disa persona ofendojnë rëndë dhe tentojnë ta sulmojn gjyqtarin kryesor të ndeshjes në prezencë të zyrtarëve policor.
VENDIMI I PLOTË:
Inicim disiplinor ndaj: SC ”Gjilani”. Motivi: Lëshim në organizimin e ndeshjes. Pas përfundimit të ndeshjes disa persona (shikues) të paautorizuar hynë në fushën e lojës, ofendojnë rëndë dhe tentojnë ta sulmojnë gjyqtarin kryesor të ndeshjes. Po ashtu edhe në parkingun e stadiumit, derisa gjyqtarët kanë shkuar të vetura, prap disa persona ofendojnë rëndë dhe tentojnë ta sulmojn gjyqtarin kryesor të ndeshjes në prezencë të zyrtarëve policor. Sipas raporteve të personave zyrtar të ndeshjes Gjilani –Llapi.
Inicim disiplinor ndaj: Drejtorit sportiv të SC ”Gjilani”, Sevdail Robelli nr personal 1018134574. Motivi: Pas përfundimit të ndeshjes hyn në fushën e lojës dhe ofendon rëndë gjyqtarin kryesor të ndeshjes në prezencë të zyrtarëve dhe lojtarëve të skuadrave. Sipas raporteve të personave zyrtar të ndeshjes Gjilani – Llapi.