Fitorja e Villarealit 3-2 ndaj Real Madridit, u la në hije pas incidentit ku Frederico Valverde e goditi Alex Baenan.
Ngjarja kishte ndodhur pas përfundimit të ndeshjes në parkingun e veturave, ku sipas mediave Valverde e goditi me grusht në fytyrë Baenan, pasi e preku në familje gjatë ndeshjes, shkruan IndeksOnline.
Televizioni ‘El Chiringuito’ ka publikuar një video ku Baena është duke shkuar në autobusin e ekipit pas incidentit që pati me uruguaianin. Siç mund të shihet ai e ka mollëzën e fryrë pas grushtit të Fede Valverde.
Valverde dhe bashkëshortja e tij, Mina Bonino, ishin pranë humbjes së fëmijës me të cilin është shtatzënë, ndërsa raportohet se futbollisti i Villarealit në ndeshjen e kaluar i kishte thënë: “Qaj tani, se djali yt nuk do të lindë”, dhe këto fjal i kishte përseritur edhe mbremë.
Por këto lajme të publikuar nga mediat spanjolle, i ka mohuar futbollisti i Villarealit përmes një njoftimi në Twitter.
“Shumë i lumtur me fitoren mbresëlënëse të skuadrës në një stadium si Santiago Bernabéu, por në të njëjtën kohë shumë i trishtuar për agresionin që pësova pas ndeshjes dhe i befasuar nga ajo që flitet për mua. ËSHTË PLOTËSISHT E PAVËRTETË QË E THASH ATË”, shkroi Baena.
🚨 EXCLUSIVA @elchiringuitotv 🚨
😱 Alex Baena, con el pómulo hinchado tras el puñetazo de Fede Valverde.
📹 @pablopatinho7 pic.twitter.com/DkNkcPOWpv
— El Chiringuito TV (@elchiringuitotv) April 9, 2023