“Derby della Madonnina” do të zhvillohet sonte, në kuadër të javës së 21-të në Serie A.
Interi është në cilësinë e vendasit, teksa ndeshja do të luhet nga ora 20:45, shkruan Gazeta Express.
“Nerazzurrët” synojnë fitoren ndaj rivalit lokal për të vazhduar qëndrimin në pozitën e dytë në tabelë. Interi ka 40 pikë.
Ndërkaq, “Rossonerët” nuk dinë për fitore që katër ndeshje radhazi, duke regjistruar fillimisht dy barazime, e pastaj dy humbje.
Kampioni në fuqi italian është i pesti në tabelë me 38 pikë, teksa sonte synon fitoren për t’u këndellur dhe vazhduar garën për top katërshe.
Formacionet zyrtare:
Inter: Onana; Skriniar, Acerbi, Bastoni; Darmian, Barella, Calhanoglu, Mkhitaryan, Dimarco; Lautaro Martinez, Dzeko.
Milan: Tatarusanu; Kalulu, Kjaer, Gabbia; Calabria, Messias, Tonali, Krunic, Theo Hernandez; Giroud, Origi.