Skaudra e Drenicës e zhvillon nesër një tjetër ndeshje shumë të rëndësishme për fatin e saj.
‘Kuqezinjtë’ nga Skenderaj janë në fundin e tabelës dhe rrezikojnë që për herë të parë të largohen nga Superliga e Kosovës në futboll.
Të drejtuarit e Bledar Devollit do të tentojnë që nesër të marrin pikët e plota ndaj Prishtinës, skuadër kjo që vjen në këtë takim pas fitores shumë të rëndësishem ndaj Ballkanit në Kupën e Kosovës.
Kapiteni i Drenicës, Shkëlzen Lushtaku tha për ‘GazetaBlic Sport’ se pikërisht në këtë takim duhet të bëjnë ‘kthesën’ e madhe dhe të kthehen tek fitoret.
“Mendoj se po bëjmë një punë shumë të mirë, ndoshta kjo është loja që duhet të kthehemi tek rezultatet pozitive dhe ta bëjmë ‘kthesën’ e madhe“, tha fillimisht ai.
Më pas, ai tha se beson fuqishëm që Drenica ka forcën që të kthehet tek rezultatet pozitive dhe të mbetet në Superligën e Kosovës.
“Besoj se Drenica do të ketë forcë që të mbetet në Superligë. Pas një ecurie jo të mirë, duhet të gjejmë forcën për të siguruar një cikël fitoresh dhe për ta mbajtur Drenicën aty ku e ka vendin. Superliga e Kosovës nuk ka ‘hijeshi’ pa Drenicën”, përfundoi Lushtaku.