Tifozët e Interit në Shqipëri u fotografuan me trajnerin e Sampdorias dhe ish-futbollistin nacionalist serb, Dejan Stankovic. Kreu i tifogrupit “Dardanët” dënoi ashpër këtë gjë.
Fotografia me Dejan Stanovcin e tifozëve të Interit në Shqipëri zgjoi shumë debat në orët e fundit në Kosovë. Ajo nuk u prit aspak mirë, shkruan Futbollikosovar.net.
Edhe Luli si kreu i tifogrupit të Kosovës “Dardanët”, ishte shumë i ashpër në lidhje me këtë fotografi që u publikua. Ai tha se mund të përkrahet Interi edhe pa bërë fotografi me ultra-nacionalist siç është Stankovic.
“Mbase fotografia mund të ketë qenë aksidentale, por të buzëqeshësh pranë një ultra-nacionalisti si Stankovic është e papranueshme. Mund ta mbështetësh Interin edhe pa u fotografuar me futbollistë të llojit çfarë është ai”, tha ai.