Ndeshjet e para për fazën parakulifikuese për Kampionatin Europian EURO2024 që pritet të mbahet në shtetin e Gjermanisë po afrojnë – me Kosovën që luan dy ndeshje gjatë muajit mars.
Trajneri Alain Giresse pritet që shumë shpejtë t’i zbulojë edhe emrat e lojtarëve që do të luajnë në dy ndeshjet e marsit, ndaj Izraelit dhe Andorrës, kjo e fundit në ‘Fadil Vokrri’, shkruan Lajmi.net
Tre pika kyçe te formacioni mund të duken në formë fantastike te ‘Dardanët’ – duke nisur nga Vedat Muriqi, i cili po kalon një formë fantastike me Mallorca-n në La Liga dhe është vetëm një gol (10 gola) mbrapa fituesit të Topit të Artë, Karim Benzema (11 gola).
Në pozitën e mbrojtjes, ka liderin Amir Rrahmani – i cili është shumë afër fitimit të Scudeto me Napolin në Itali.
Kurse në portë, është Aro Muric – që po thyen çdo rekord të “Clean sheet” me skuadrën nga Championship, Burnley.
Por, ku është problemi kryesor? Mesfusha. Aty ku për momentin asnjë lojtarë nuk është duke pasur paraqitje të mira me skuadrat e tyre. Valon Berisha ka shkuar në Australi te Melbourne City dhe nuk ka statistika të mira, përveç kësaj vështirë se do të udhëtoj për këto dy ndeshje. Bersant Celina kaloi te Stoke City me bujë të madhe, por nuk po i jepet hapësira e nevojshme.
Valon Berisha shines in A-League debut for Melbourne City
Ibrahim Dresevic, kohëve të fundit me ekipin nga Superliga e Turqisë është duke luajtur vetëm në pozitën e mbrojtësit qëndror.
Florian Loshaj u detyrua nga klubi polak të largohet sepse ishte vendosur në ekipin e dytë. Dhe pas transferimit në Istanbulspor, nuk është që po ka paraqitje të mira.
Floren Muslija, i vetmi lojtar (mesfushor) që për momentin qëndron mirë me statistika dhe që mund të përdoret për dy ndeshjet e muajit mars. Ai në Bundesliga 2. ka shënuar katër gola dhe ka bërë tre asiste.
Florent Muslija im Interview: “Es ist natürlich ein sehr besonderes Spiel für mich”: KSC – MEINE HEIMAT.
Përvec këtyre emrave të përmendura, Alain Giresse mund t’i ftojë edhe lojtarët nga Superliga e Kosovës, Lindon Emërllahu edhe Ilir Krasniqi.
Kujtojmë që fillimisht ‘Dardanët’ udhëtojnë në Izrael me datën 25 mars dhe pastaj në ‘Fadil Vokrri’ pret Kombëtaren e Andorrës.