Sulmuesi i Kosovës, Vedat Muriqi është ndarë i lumtur me paraqitjen e tij. Muriqi shënoi një gol dhe kontribuoi me një asistim në fitoren 2:0 të Mallorcas në Kupën e Mbretit.
“E dinim se do të ishte një lojë e vështirë, në një fushë shumë të vështirë dhe me bar shumë të keq. Në planin personal jam shumë i lumtur”, ka thënë Muriqi.
Sulmuesi 28-vjeçar ka shënuar tetë gola dhe ka asistuar një herë në 13 ndeshje në La Liga, ndërsa në dy ndeshje të Kupës ka shënuar një gol dhe ka asistuar një tjetër.
Muriqi po kalon formë të mirë në Spanjë, ndërsa shumë skuadra evropiane duan transferimin e tij në janar./Koha/