Kryetari i FFK-së, Agim Ademi është paraqitur sot në stacionin e policisë, atje ku pas intervistimit është ndaluar për 48 orë.
Prokuroria e Kosovës e ka konfirmuar nëpërmjet një komunikate se ai është ndaluar për 48 orë pas intervistimit të tij dhe se tashmë do të vazhdohet me procedurat e tjera.
“Prokuroria Themelore në Prishtinë, njofton opinionin publik se pas ndërmarrjes se veprimeve paraprake hetimore, Prokurori i Shtetit ka lëshuar aktvendim mbi ndalimin e Kryetarit të Federatës së Futbollit të Kosovës, për shkak të dyshimit të kryerjes së veprave penale “Keqpërdorimi i besimit”, nga neni 330 dhe “Shmangie nga tatimi”, thuhet në njoftimin e Prokurorisë.
Pra, veprat për të cilat po hetohet dhe dyshohet se ka kryer ai janë: “Keqpërdorimi i besimit” dhe “Shmangie nga tatimi”.