Ka përfunduar xhiro e 25-të në Albi Mall Superligën e Kosovës në futboll.
Albion Rrahmani vazhdon të shënoj dhe këtë gjë e bëri edhe këtë fundjavë në sfidën ndaj Llapit.
Sulmuesi i Ballkanit tanimë ndodhet i vetëm në krye të listës së golashënuesve me 16 gola deri më tani.
Pas tij ndodhet mbrojtësi i Dritës, Besnik Krasniqi i cili ka realizuar 12 gola, derisa në vendin e tretë është Marko Simonovski me 11 sosh.
Ish-sulmuesi i Trepçës ’89, Christian Mba ka 10 gola derisa edhe Ermal Krasniqi që tani nuk është pjesë e Superligës së Kosovës ka realizuar shtatë sosh.
Me nga shtatë gola janë edhe Bintsouka Koxy i Drenicës, Drilon Hazrollaj i Malishevës dhe Endrit Krasniqi i Prishtinës.