Muaji mars ishte i tmerrshëm për ekipet kombëtare të Kosovës.
Në këtë muaj, asnjëri prej ekipeve zinxhirë të “Dardanëve”, përfshirë këtu edhe Kombëtaren A, nuk arriti ta shijonte fitoren.
Vedat Muriqi me shokë i regjistruan dy barazime në kualifikimet për Euro 2024, e morën një pikë të vlefshme në Izrael, por pas pak ditësh dëshpëruan në shtëpi me Andorrën, shkruan “Gazeta Express”.
Ndërkaq, Kosova U-21 e Afrim Tovërlanit u mposht nga Turqia dhe barazoi me Moldavinë.
E Kosova U-16 e Arbnor Morinës i pësoi tri humbje në këtë muaj, nga Maqedonia e Veriut, nga Bullgaria dhe nga Gjibraltari.
Më poshtë mund t’i shihni rezultatet e Kosovës A dhe të shpresave gjatë muajit mars.
Rezultatet
Izraeli 1:1 Kosova
Kosova 1:1 Andorra
Moldavia U21 0:0 Kosova U21
Turqia U21 4:2 Kosova U21
Bullgaria U16 2:0 Kosova U16
Kosova U16 1:2 Gjibraltari U16
Maqedonia e Veriut U16 5:1 Kosova U16