Arijanet Muric po vazhdon të tregojë paraqitje fantastike në Championship me Burnley. Ai ishte një nga më meritorët dje në fitoren e ‘The Clarets’ kundër Wigan me rezultat 3-0, pasi bëri dy pritje të mrekullueshme gjatë pjesës së parë, transmeton Gazeta Metro.
Gardiani i Kombëtares së Kosovës intervenoi në mënyrë të jashtëzakonshme në dy rastet e vetme të mysafirëve gjatë gjithë ndeshjes.
I inkuadruari në minutën e 30’të, Steven Caulker, pas kartonit të kuq të Omar Rekik, ishte i pari që i rrezikoi portën portierit kosovar.
Ai nga një distancë shumë afër portës goditi me kokë, por ishte aty Muric për ta ndalur.
Pas disa minutave mbrojtësi i Burnley, Hjalmar Ekdal, bëri një gabim trashanik dhe ia hapi rrugën Ashley Fletcher që të shkoi i vetëm drejt zonës, megjithatë ballë për ballë me 24-vjeçarin nuk arriti të shënoi.
Ndryshe, Burnley është duke shkuar me hapa të sigurt drejt rikthimit në Premier League.
Kur kanë mbetur edhe dhjetë xhiro pa përfunduar kampionati ‘The Clarets’ renditen në pozitën e parë me 80 pikë, 13 më shumë se Sheffield United dhe 17 më shumë se Middlesbrough.
Intervenimet e Arijanet Muric i gjeni nga 0:49 dhe 1:05.