Otto John është sulmuesi nigerian i Prishtinës i cili në verën e vitit 2022 u dënua me masën, arrest me burg nga gjykata për mërrëdhënie seksuale me një femër të trafikuar. Nigeriani, prej vitesh mban veshur fanellën e kryeqytetasve me të cilët ka dalë edhe kampion ndërsa më parë ka luajtur edhe për Skënderbeun.
Ai qendroi në burg për 3 muaj dhe pas daljes ka dhënë një intervistë për Koha Ditore ku zbulon se kush i është gjendur pranë në ato momente të vështira.
“Armend Dallku ishte i vetmi njeri që erdhi të më vizitojë në burg. Askush tjetër. Askush nga klubi Prishtina. Askush nga miqtë apo bashkëlojtarët në Kosovë. Vetëm ai erdhi. Pas vizitës së tij nisa të shoh shpresë. Është i vetmi njeri që më dha shpresë në momentet më të vështira të jetës.”-u shpreh sulmuesi.