Një episod interesant ndodhi në minutën e 95 të ndeshjes Drenica – Prishtina. Poritier i ekipi kryeqytetas, Ardit Nika u ndëshkua me të kuq, pas një ndërhyrje jashtë zonës së 16-es. Mirëpo të drejtë zëvendësimi më Prishtina, nuk kishte, dhe përsipër për të hyrë si portier e mori Mërgim Pefqeli.
Pefqeli rreshtoi mirë murin, dhe gjuajtja e Lopez përfundoi mbi portë, dhe pas dy minutave përfundoi ndeshja me ekipin kryeqytetas triumfues 1:0.
Është rast i rrallë në futbollin vendor, por jo edhe në ligat evropiane që kemi parë shpeshëherë lojtarët të pjesës defanzive të marrin një gjë të tillë, edhe pse jo çdoherë kanë marrë pjesa ofanzive. Pefqeli për Gazeta Arena u shpreh se mori një përgjegjësi të madhe, por që këtë e ka bërë shpeshëherë edhe në futboll të vogël me shoqëri, por e bën edhe në stërvitje kur janë të lirë nga detyrat.
“Ndjenjë e madhe me marrë përsipër përgjegjësisë në atë moment vendimtar mbi supe. Këtë e kam bërë edhe si fëmijë, por kam raste kur kam mbrojtur në lagje edhe me shoqëri.
Menjëherë të gjithë shokët e skuadrës kërkuan nga unë që të hy në portë, ngase edhe në stërvitje kur jemi të lirë nga detyrat dhe luajmë me penallti apo diqka tjetër hy unë portier”, tha Pefqeli për Gazeta Arena.
Ndër të tjera futbollisti vlerëson se fitorja ndaj Drenicës ishte e vlefshme, dhe pret në vazhdimësi ti arrijnë edhe objektivat si klub.
“Fitorja ndaj Drenicës ishte tejet e vlefshme për ne, për vazhdimësi të garave në kampionat dhe Kupë. Ne vinim nga një orar tejet i ngjeshur i garave, ku në mesjavë zhvilluam ndeshjen e Kupës dhe falë Zotit edhe në atë triumfuam, shpresojmë shumë që në fund ti arrijmë objektivat tona si klub”, përfundoi Pefqeli.
Prishtina ka 35 pikë në vendin e katërt pas 26 xhirove të zhvilluara, derisa të martën mëson kundërshtarin për gjysmëfinale të Kupës së Kosovës.