Përzgjedhësi i Rumanisë, Edi Iordanescu ka paralajmëruar lojtarët që të fokusohen në secilën ndeshje nëse duhet të kualifikohen.
Rumania ndodhet në të njëjtin grup kualifikues me kombëtare si Kosova, Zvicra, Izraeli, Bjellorusia dhe Andorra.
Në një intervistë për televizionin francez, Iordanescu ka deklaruar se Zvicra është favorite në letër, por që edhe Izraeli me Kosovën janë në nivel të lartë.
“Të gjithë duhet të kuptojnë një gjë, kanë kaluar kohët kur ne e linim veten të ngadalësojmë, të kënaqemi, të vijmë me gjysmë masa, të mendojmë se funksionon me pak mund ose pak punë.
“Tani është koha kur unë thërras kuvendin, është koha kur të gjithë duhet të japim më shumë. Është periudha kur 99 për qind nuk ekziston më, ka vetëm njëqind për qind. Është koha kur nuk kam kohë të ngushëlloj askënd, nuk mund të bëj më durim me askënd.
“Fatkeqësisht, vetëm dy vende të çojnë në Euro, ja ku duhet të jemi. Ky është qëllimi ynë. Zvicra duket favorite në letër, ka pikat e saj të forta. Për Izraelin dhe Kosovën, ju garantoj pas studimit kompleks që kam bërë se kanë shumë pasuri për të aspiruar një kualifikim”
“Ne do të luftojmë me çdo kundërshtar. Të gjithë kundërshtarët kanë aftësinë për të na krijuar probleme, por edhe ne kemi aftësinë për të kapërcyer çdo lloj problemi kur jemi të bashkuar, të vendosur, kur kemi shpirt dhe qëndrim, kur japim gjithçka në fushë”, tha trajneri.
Rumania ndeshjen e parë ndaj Kosovës do ta zhvillojë më 16 qershor në “Fadil Vokrri”.