E ftuar në emisionin “Dueli Sportiv” në RTV Dukagjini, gazetarja Qeqa Krelani ka diskutuar për zhvillimet e fundit për “skandalin e kurdisjeve” që po hetohet klubi futbollistik Llapi.
Ajo tha se “kurdisjet që janë publiku janë një njollë për vendin tonë. Sepse, janë informu të gjitha bastoret evropiane që punojnë me licnsë shtetërore. Janë njoftu organiztat ndërkombëtare sportive dhe agjencitë policore transnacionale”.
Krelani po ashtu shtoi se “çdo klub që bën kurdisje njoftohet nga kjo bastore, në këto vende që i përmenda. Ky sistem duhet me kalu në një filter të qartë të transparencës dhe verifikimit, sepse në fund viktimë janë futbollistët”.
Gazetarja në fjalë gjithashtu përmendi se gazetarët që kanë raportuar për këto “skandale” kanë një CV të pasur në raste të tilla.
“Dueli Sportiv” do të vazhdojë çdo të diel, me fillim nga ora 22:00.
Përveç sportit vendor, po ashtu, do të ketë edhe shumë risi të tjera nga sporti ndërkombëtar dhe jo vetëm.