Skuadra e Gjilanit ka kaluar në finale të Kupës së Kosovës.
”Skifterat” eliminuan Llapin duke e mposhtur në të dy ndeshjet gjysmëfinale, me rezultat të përgjithshëm 3-1, shkruan IndeksOnline.
Pas përfundimit të ndeshjes, trajneri i Gjilanit, Zekrija Ramadani, i përgëzoi futbollistët për fitoren dhe tha se tani duan të shkruajnë historinë.
“I përgëzoj lojtarët, por asgjë nuk ka mbaruar. Tani duam të shkruajmë historinë në finale”, tha Ramdani.
Ai komentoi edhe deklaratën e trajnerit të Llapit, Tahir Batatinës, i cili tha se Gjilani nuk e meritoi finalen.
“Çdo trajner ka arsyet pse e thotë atë, ndoshta për ta mbrojtur veten, ne i mposhtëm në dy ndeshjet dhe nuk mund të thuhet se nuk e merituam”, deklaroi Ramadani për Art Sport.
Gjilani në finale do të luaj me skuadrën e Prishtinës.