Karriera e vëllait të Arlind Ajetit, Albianit, nuk po shkon ashtu siç u mendua më para. Sulmuesi ka qenë pjesë e West Ham dhe Augsburg, por nuk arriti dot të mbante nivelet e larta. Së fundmi iu bashkua edhe Celtic. Megjithatë, as në Skoci nuk arriti që të thoshte fjalën e tij.
Celtic vendosi që ta dërgonte Ajetin në huazim te Sturm në Austri. Atje lojtarin e ka pasuar edhe një dëmtim që po e lë jashtë fushës së blertë. Dikur, mes pritshmërive për karrierë të madhe në klube, ky sulmues refuzoi Shqipërinë për Zvicrën. Tani, në moshën 26-vjeçare e sheh karrierën në rënie të lirë.
Rasti i Albian Ajetit nuk është i pari që pasi refuzon Shqipërinë dhe zgjedh një Kombëtare tjetër, karriera i merr për poshtë. Kujtojmë këtu rastin e Adnan Januzaj, apo të shqiptarëve që zgjodhën Greqinë, por karriera iu ka marrë tatëpjetën prej kohësh.