Sulmuesi i krahut, Adnan Januzaj është larguar nga Sevilla për ta vazhduar karrierën Turqi. Ai do të jetë pjesë e skuadrës Istanbul Bashakshehir për pjesën e mbetur të këtij sezoni.
Sevilla të premten ka njoftuar se ka arritur marrëveshje me ekipin e Superligës së Turqisë për huazimin e Januzajt.
Skuadra turke nuk do ta ketë opsionin e blerjes së 27-vjeçarit, i cili në verë do të rikthehet tek ekipi nga Spanja.
Januzaj në fillim të këtij sezoni u transferua te Sevilla si lojtar i lirë, por nuk bindi me paraqitjet e tij. Ai ka pasur minutazhë të vogël, ku në total ka regjistruar 6 paraqitje në të gjitha garat.
Januzaj ka kontratë me Sevillan deri në viitn 2026, ndërsa karrierë ka bërë edhe te Real Sociedadi, Manchester Unitedi, Sunderlandi e Borussia Dortmundi.