Vedat Muriqi luajti shumë mirë në ndeshjen e fundjavës që lamë pas kundër Real Madridit. Ai u shpall futbollisti i ndeshjes. Mediat spanjolle e lavdëruan kosovarin.
Ka qenë një potez i mirë për Muriqin kalimi nga Lazio te Mallorca. Kështu po e dëshmojnë edhe faktet. Tani vet mediat italiane po shkruajnë si sulmuesi prizrenas që kaloi dhimbjet e luftës dhe tani i ka harruar fishkëllimat e tifozëve të Lazios, raporton Futbollikosovar.net.
“Në moshën 4 vjeçare ka parë ushtarët serbë duke hyrë në shtëpinë e tij për t’i paralajmëruar se do ta lanconin bombën mu aty. Nëna e tij ka filluar t’i vendoste robat në një çante dhe u tha atij (Vedatit) dhe motrës së tij se po niseshin në pushime”, shkruan gazeta spanjolle El Mundo.