Skuadra e Ulpianës ka shënuar një fitore të madhe në xhiron e 20-të të Ligës së Parë të futbollit kosovar.
Mysafirët fituan 3 me 0 kundër Fushë Kosovës në ndeshjen e zhvilluar në stadiumin “Ekrem Grajqevci”, shkruan Lajmi.net
Tri golat e ndeshjes u shënuan në pjesën e dytë. Fillimisht në minutën e 57’të, shënoi Kreshnik Bahtiri pas asistit të Urim Statovcit, kurse në minutën e 82’të shënoi Urim Statovci pas një gabimi në mbrojtje. Golin e fundit në ndeshje e shënoi, Elvis Ahmeti në minutën e dytë shtesë (92+).
Me këtë fitore, Ulpiana kalon në pozitën e parë në Ligën e Parë, Grupi B – me 43 pikë, vetëm një më shumë se vendi i dytë, Fushë Kosova (42).