Arbër Potoku mund të largohet nga Ballkani gjatë afatit kalimtar dimëror. Mbrojtësi mitrovicas ka shkëlqyer sezoneve të fundit, derisa ka zgjuar interesimin e Tiranës.
Tirana ka kontaktuar me Ballkanin gjatë këtyre dy javëve të fundit, duke kërkuar me çdo kusht të afrojë në radhët e veta futbollistin Arbër Potoku. Sipas burimeve shumë të sigurta, oferta që Potoku ka marrë nga Tirana ka kushte shumë më të mira se kontrata e tij aktuale te Ballkani dhe ka tunduar futbollistin, mirëpo kampionët e Kosovës nuk do ta lejojnë gjithsesi largimin e tij në këtë fazë të sezonit.
Pra gjasat janë të mëdha që Potoku të mbetet në Therandë, por bardheblutë do të provojnë deri në orët e fundit të merkatos transferimin e tij, ndërsa të njëjtin lojtar do të provojnë ta afrojnë edhe në verë.